"Canavar kimi qadınam"

Tuğba Ekinci : "Heç nə vecimə deyil"

 Müğənni Tuğba Ekinci Show TV-də yayımlanan “Kənan Erçetingözlə üz-üzə” verilişinin qonağı olub.

Axşam.az-ın məlumatına görə, aparıcının sualları Tuğbanı özündən çıxarıb. O, müğənni və aktrisa Hülya Avşara bənzədilməsi ilə bağlı fikirlərə münasibət bildirib:

“Kiməsə oxşadılmaq çox pisdir. Bunu sevmirəm, özüm olmağı xoşlayıram. Hülya Avşar siyasətə meyillidir, mən isə canavar kimi qadınam. O, sarışındır, övladı var. Mən isə qaraşınam, övladım yoxdur, özüm üçün yaşayıram. Onun etdiyi işlər daha fərqlidir. Mənimsə həyatda heç nə vecimə deyil: məni sevən sevsin, sevməyən isə getsin. Bu cür yaşayıram”.

Qeyd edək ki, Tuğba Ekinci azərbaycanlı olduğunu, babasının Gəncədə dünyaya gəldiyini bildirmişdi. Bir müddət əvvəl Bakıya gələn sənətçi "İnanımmı" mahnısını ifa edərək klip çəkdirmişdi.