"Hələ ki, toy haqda düşünmürəm"

Aparıcı İlkin Həsəni şəxsi həyatı ilə bağlı yazılan şərhlərdən şikayətlənib.

Vətəninfo.az  Axşam.az-a istinadla xəbər verir ki, aparıcı şəxsi həyatı ilə gündəmə gəlmək istəmədiyini bildirib:
 “Bütün jurnalistlərə müraciət etdim ki, mənim sosial şəbəkədəki paylaşımlarımdan xəbər hazırlamasınlar. Şəxsi həyat gizli olaraq qalmalıdır. Məni İnstaqramda sevənlərim, dostum olanlar izləyir. Nəyisə onlar üçün paylaşıram. Amma bunu xəbər edəndə, insanlar xoşagəlməz şərhlər yazırlar. Nişan, toy və digər əlamətdar hadisələr olanda mən bunu açıq deyəcəm. Yazacam ki, bu gün mənim toyumdur, filankəslə ailə qurmuşam. Hətta toy mediaya qapalı olacaq. Jurnalist dostlarım qonaq kimi dəvət olunacaqlar. Amma heç kim oradan xəbər hazırlamayacaq. Müəyyən fotolar, video olacaq ki, özüm jurnalistlərə təqdim edəcəm. Hələ ki, toy haqda düşünmürəm. Bu yay işlə bağlı çoxlu planlarım var”.