"Kurtlar Vadisi" Poladsız davam edəcək

Baş qəhrəmanı qəzaya uğrayan "Kurtlar Vadisi Pusu" Polad Ələmdarsız davam edəcək.

Vətəninfo.az xəbər verir ki, "Kurtlar Vadisi"nin çənəsi qırılan baş qəhrəmanı Necati Şaşmazın (Polad Alemdarın) müalicəsi 6 həftə davam edəcək. Bu müddət ərzində o serialın çəkilişlərinə qatılmayacaq və ssenaridə dəyişiklik edilərək xaricə göndəriləcək.

Aktyorun vəziyyəti ilə bağlı həkimlər əməliyyatdan sonra mətbuat konfransı keçiriblər.

Həkimlərin sözlərinə görə, aktyora ilkin tibbi yardım çəkiliş meydançasındakı tcili tibbi yardım briqadası tərəfindən göstərilib. Bu da onun vəziyyəti üçün mühüm olub.

"Müalicə müddəti 4-6 həftə olacaq. Alt və üst çənə 4 həftə bir birinə bağlı qalacaq. Bu müddət ərzində o arıqlayacaq, pipetka və duru qidalar qəbul edə biləcək".