Taliban” Pəncşirdə daha bir rayonu ələ keçirib - Pəncşirdəki müqavimət qüvvələrinə çağırış edib

Taliban” Pəncşirdə daha bir rayonu ələ keçirib - Pəncşirdəki müqavimət qüvvələrinə çağırış edib

Əfqanıstanda hakimiyyəti ələ keçirmiş "Taliban” qruplaşması Pəncşir vilayətində tabe olmaqdan imtina edən müqavimət qüvvələrinin nəzarətində olan Şutul rayonunu ələ keçirib.

"Report” xəbər verir ki, bu barədə "Bakhtar” agentliyi qruplaşmaya istinadən məlumat yayıb.

Bildirilib ki, "Taliban” müqavimət qüvvələrinin 10 döyüşçüsünü öldürüb, bir neçə döyüşçü isə yaralanıb.

Həmçinin 2 tank, zirehli maşın və silah-sursat ələ keçirilib.

Bu arada "Taliban” qruplaşması tabe olmaqdan imtina edən Pəncşir vilayətindəki müqavimət qüvvələrinə çağırış ünvanlayıb.
Çağırışda bu qüvvələrin "Taliban”a birləşməsi təklif olunub.

"Toqquşmalardan qaçmaq üçün müqavimət qüvvələrini hərəkata qoşulmağa çağırırıq”, - bildirilib.
"Taliban” həmçinin Pəncşirə qubernator təyin edib.

Qeyd edək ki, Pəncşirdəki qüvvələrə Əhməd Məsud və Əfqanıstanın birinci vitse-prezidenti Əmirulla Saleh başçılıq edir.


İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
infomiqaz@gmail.com

www.miq.az