“The Independent”: Ukrayna və Suriyada qan tökülməsində Qərb günahkardır – Təhlil

Qərbin cəlb olunduğu "yad əllər”lə iki müharibədə mühüm dəyişikliklər baş verir. Göründüyü üzrə, Şərqi Ukraynada atəşkəs rejiminə riayət edilməyə başlanıb, Suriyada isə nizamlama haqda razılığa gəlmək üçün yeni cəhdlər edilir.

Rusiya da bu müharibələrə cəlb edilib və indiki anda strategiyaca önəmli mövqe tutur. Donbasda "dondurulmuş” münaqişə sanksiyaların  yumşalmasını istəyən Kremlə sərfəlidir. Kreml Suriyada isə açıq şəkildə hərbi iştirakını artırır və diplomatiyada aparıcı rol oynayır.

Qərbin uğursuz siyasəti Yaxın Şərqdə hərc-mərclik üçün ilkin şərtlər və Avropa Birliyində qaçqın böhranı yaratdı. 2012-ci ilin yayında Qərbin yardımı Suriyanın mötədil qiyamçılarına Əsədin qüvvələri ilə mübarizədə üstünlük təmin edə bilərdi, lakin bu cür yardımsızlıq Fars körfəzi ölkələrində varlı hamiləri olan İŞİD islamçı ekstremistlərinin və "Cəbhət əl-Nusra”nın üsyana nəzarəti ələ keçirtməyinə zəmin yaratdı. İndi məlum olur ki, Qərb Rusiyanın Əsədin istefasını şərtləndirə biləcək planını rədd edib. Finlandiyanın keçmiş prezidenti Martti Axtisaari bildirib: BMT Təhlükəsizlik Şurasının daimi üzvləri ilə Suriya haqda onu danışıqları zamanı Rusiyanın nümayəndəsi Çurkin rejimin müxalifətlə danışıqlarından sonra Əsədin hakimiyyətdən imtinasına səbəb ola biləcək plan irəli sürüb.