Tunay Əliyeva “fahişə” olayından danışdı

“Mənim ağlım yerindədir”

Aktrisa, teleaparıcı Tunay Əliyeva bəzi xəbər portallarında onun haqqında uydurma xəbər və müsahibələrin yayımlanmasından narahat olduğunu deyib.

Aktual.az-a açıqlama verən aktrisa bu barədə sərt danışıb: “Bəzi jurnalistlər peşəkarlıqdan kənar bir hərəkət edirlər. Təəssüflər olsun ki, media orqanlarında qeyri- peşəkarlıq davam etməkdədir. Belə jurnalistlər Azərbaycan mətbuatını nüfuzdan salır. İndiyə kimi bu məsələ ilə bağlı danışmamışam. Ancaq son müsahibəmdə təhriflərə yol verilməsi, xəbərin iyrənc başlıqla yayımlanması məni narahat edir.

 Mən aktrisayam, hər hansı bir obrazı filmdə canlandırmağımda qəbahət bir şey görmürəm. Məni jurnalistlərin uydurma xəbərləri narahat edir. Guya, son müsahibəmdə fahişə rolunda çəkilmək üçün rejissorlara səslənmişəm. Mən belə bir ifadə işlətməmişəm. Mənim ağlım hələ yerindədir, nə danışdığımı çox gözəl bilirəm. Bu gündən etibarən,  mən demədiyim sözləri yazan, səviyyəsiz başlıq çıxaran, sözlərimi təhrif edən jurnalistləri və media orqanlarını məhkəməyə verəcəyəm”.

Aktual.az