Ermənistanda sürücülər də aksiya keçirir

İrəvanda trolleybus sürücüləri tətil keçirirlər.

Trend-in Ermənistan mətbuatına istinadən verdiyi məlumata görə, onlardan bəziləri işdən çıxmaq barədə ərizə yazıblar.

Buna səbəb sürücülərin sutkada 16-17 saat işləməyə məcbur edilməsidir. Üstəlik, müdiriyyət iş saatının artırılmasına rəğmən, əvvəlki kimi 40 min dram (87 manat) maaş vermək niyyətindədir.

Sürücülərin tətili 4 gündür davam edir.

 

 

 

"Ayağa qalx, Ermənistan" vətəndaş hərəkatının üzvləri iyulun 27-də Yerevanın Respublika meydanında oturaq piketə başlayacaqlar.

Ermənistan mətbuatının verdiyi məlumata əsasən, onlar elektrik enerjisi tariflərinin artırılması barədə qərarın ləğvini tələb edəcəklər.

Qeyd edək ki, "Ayağa qalx, Ermənistan" hərəkatı avqustun 1-dək qərarın ləğv edilməsini tələb edir. Onlar tələbləri yerinə yetirilməyəcəyi təqdirdə etiraz aksiyalarını davam etdirmək, əsas magistral yolları bağlamaq niyyətindədirlər ("Trend").